Hainbat taldetan aritzen den arren, 'Zerua gorriz' kantarekin, bakarlari gisa aurkeztu da Olaia Intziarte oronoztarra maketa-lehiaketara. Gaztea izanagatik, urte batzuk badaramatza gitarra astindu eta kantak konposatzen. Lerro hauek idazerakoan hirugarren postuan zegoen, 170 botorekin. Aitzinetik Trini Fox (178 boto) eta S.T.R (176 boto) zituen, hurrenez hurren.
Bi maketa bozkatuenak eta epaimahaiak bertze hiru finalera pasako dira eta bortz hautatuek apirilaren 5ean Bilboko Kafe Antzokian joko dute zuzenean. Emanaldi horretan epaimahaikideak egonen dira eta zuzeneko hori ardatz, XVIII. Maketa Lehiaketako irabazlea zein den erabakiko dute.
Botoa ematea
Botoa emateko aukera EITBren webgunean maketa lehiaketa atalean aurki daiteke eta martxoaren 20a, asteazkena, izanen da hondarreko eguna.