'Sistema alda dezagun, ez klima' bizikleta ibilaldia antolatu dute martxoaren 15ean Elizondon

Bizikleta hartu eta Elizondoko karriketan ibiliko dira ortzirale arratsaldean Elizondon, klima aldaketaren kontra.

Ortziralean 19:30ean Elizondoko plazatik abiatuta, herrian barna itzulia eginen dute

Martxoaren 15erako klima aldaketaren kontra sistema aldarazteko ikasle greba deitu dute mundu mailan. Deialdiaren helburuarekin bat eginez, Baztanen bizikleta ibilaldia eginen dute egun berean arratsaldeko 7:30ean Elizondotik plazatik abiatuta, herrian barna itzulia egiteko. 

Beroaldiak, uholdeak, hurakanak… aldaketa eta xehakuntza handiak sortzen ari dira planeta osoan. Gaur egun klimaren aldaketak, adibidez, urtero 40 milioi errefuxiatu klimatiko sortzen ditu, uzta txarrak ere bai e.a. Klimaren aldaketa ebidentzia zientifikoa da eta aldaketa hori zibilizazio industrial-kapitalistaren emaitza da, kontsumokeri izugarrian oinarritzen dena. IPCCren azkeneko txostenak norabidea aldatzeko 11 urte bertzerik gelditzen ez direla gaztigatzen du. Hori da une honetan gizateriak duen erronka handienetarik bat. Horregatik hain zuzen mundu mailako ikasle greba deialdia egin dute #ClimateStrike goiburuarekin. Baztanen horri erantzunez aipatu bizikleta ibilaldia eginen da, bertzeren artean oroitaraziz Aroztegiaren iduriko  proiektuen karbono oinatzak klimaren aldaketan eragiten duela.

Erlazionatuak

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun