Larunbat honetan, 11:00etan Arizkunenea Kultur Etxean, Eskualdeko belaunaldi ezberdinak izenburupean mahai-ingurua eginen dute. 13:00etan ostatuz ostatu bertsopoteo desafioa eginen dute Leitzako Illarregi anaien eta Lesaka-Hendaiako Txoperena anai-arreben artean. 14:30ean Antxitonea trinketean herri-bazkaria izanen dute eta ondotik kantaldia. Bazkarirako txartelak Lesakako Arrano ostatuan, Leitzako Torrea tabernan, Doneztebeko Titin eta Baztango Intzan eta Zubipuntan paratu dituzte salgai. 19:00etan, Elizondoko karriketan barna karropoteoa eginen dute. Ilunabarrean gaztetxean afaltzeko bokatak emanen dituzte eta 23:00etatik aitzinera, Gaztetxean kontzertuak eskainiko dituzte Sofokaos eta Herdoil taldeek. Ondotik, musika izanen da DJ Map-Hrekin. Lagundu nahi duenak, laguntza-bonoekin ere lagun dezake.