Intiako Garbiñe Elizaintzinek eta Nani Moré sukaldariak eskainiko dute ortzegunean 17:00etan Elizondoko Arizkunenean
Baztango eskoletan ehunka otordu zerbitzatzen dira egunero eta Baztango Udalak tokiko ekonomian, herritarren osasunean eta ingurumenean eragina duen errealitate horri buruz gogoeta bulkatu nahi. Horretarako Nolako jangelak nahi ditugu eskoletan? izenburuarekin mintzaldia antolatu du martxoaren 7an, ortzegunean 17:00etan Elizondoko Arizkunenea kultur etxean. Solasaldia Garbiñe Elizaintzinek eta Nani Morék emanen dute.
Garbiñe Elizaintzin INTIAko tenikaria da eta zirkuitu motzeko eta zuzeneko salmentako dinamizatzailea. Nani Moré berriz, sukaldaria izateaz gain, Kataluniako jangela ekologikoen elkarteko sortzailea da eta El plat o la vida dokumentalaren zuzendaria ere bai. Elizaintzin euskaraz arituko da, Moré gazteleraz.
Mintzaldia gaian interesa duten guztiei zuzendua dago, baina batez ere guraso elkarteetako kideei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.