Goizean meza izan zuten eta ondoren, ohiturari jarraituz, herrian bueltaxka eman zuten musikaren laguntzaz eta herriko karrikak alaitu zituzten beren kantuekin. Eguerdian bazkaria izan zuten herriko elkartean. Bertan haur, guraso, irakasle eta herriko alkate eta alkate-lagunek ohikoa den menuaz gozatzeko aukera izan zuten.
Arratsaldean berriz, jokoak izan zituzten eta eguneko momenturik garrantzitsuena, oilar harpatzea. Hiru oilar harrapatu ziren eta hauek izan ziren oilarrak harrapatu zituzten haurrak: ttikietan Eiger Iturralde, ertainetan Gaizka Zubieta eta haundietan Ganix Alunda. Eguna borobiltzeko txokolate beroa dastatzeko aukera izan zuten. Honekin aio erran zioten hurrengo urte arte Arraioztarrek Orakunde egunari.
