Ortziralean, otsailak 22, Orakunde eguna izanen dute. 10:15ean meza izanen da eta ondotik, Zigaurren eta herrian barna eskean ibiliko dira Andoni musikariarekin. 14:00etan mahaiaren bueltan elkartuko dira. Arratsaldean, 16:30ean, haurrendako jolasak izanen dira eta oilarra harrapatzen ere ibiliko dira. 19:00etan txokolate beroa eskainiko dute eta Andonirekin dantzaldia izanen da.
Egun berean, gazteek inauteriak hasiko dituzte. Goizean gosaldu eta Zigaurre auzoan eta baserrietan puskak biltzen ibiliko dira trikitilariekin.
Larunbatean, berriz, otsailak 23, gosaldu ondotik, gazteek herrian barna eginen dute itzulia, trikitilarien doinuekin puskak bilduz. 20:30ean frontoian mozorro dantzaldia antolatu dute Andonirekin eta 22:00etan afaria izanen da. Ondotik Beñat eta Andonirekin segituko du bestak.