Xabi Ibargarai erratzuarrak lehen aldiz irabazi du banakako pala txapelketa

Xabi Ibargarai erratzuarrak lehen aldiz irabazi du banakako pala txapelketa
Xabier Ibargarai erratzuarra, Munduko txapeldun buruz buru.

Bortz jokoak behar izan zituen bere laugarren finalean Gaubeka bizkaitarra menperatzeko

Laugarren finalean lortu du Xabier Ibargaraik lehen aldiz Munduko pala txapelketa buruz buruko txapela irabaztea. Erratzuarrak 3-2 irabazi zion otsailaren 16ko finalean Esteban Gaubeka armintzarrari, Bilbon, Bizkaia pilotalekuan. Lehia estua izan zen, ordu eta erdikoa, baina oraingoan Ibargaraik ez zuen huts egin.

Detaile ttikiek erabaki zuten partida izan zen eta azken aldiko finalik onena izan zen larunbatekoa. Arras zail gelditu zitzaion partida irauli ahal izan zuen Ibargaraik.

Lehenbiziko jokoa bizkaitarrak irabazi zuen: 10-6. Ondoko guztiak parekatuak eta borrokatuak izan ziren. Bigarrena 8-10 irabazi zuen Ibargaraik, hirugarrena 10-9 bizkaitarrak, laugarrenean ia txapela eskura izan zuen Gaubekak, baina Ibargaraik bosgarren jokoa behartu zuen 9-10ekoarekin eta azke nekoak 8-10 irabazi zuen erratzuarrak.

Bizkarreko minak erabat ahantzita, bere betiko ametsa bete ahal izan du Xabier Ibargaraik eta buruz buruko bere lehen txapela jantzi ahal izan du Erratzuko atzelariak.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun