Elizondoko inauterietako tanborradan izena emateko epea ireki da

Elizondoko inauterietako tanborradan izena emateko epea ireki da
Inauterietako tanborrada prestatzen hasiak dira Elizondon. Argazkia: Juan Mari Ondikol

Otsailaren 21era bitarte izanen da apuntatzeko aukera

Aurten ere, Elizondoko inauterien baitan, martxoaren 1ean, ortziralean 20:00etan tanborrada eginen dute. Parte hartzeko, Elizondoko Hiru, Saioa, Intza edo Casino ostatuetara jo daiteke izena ematera, otsailaren 21era bitarte.

Ordainketak izena ematerakoan egin behar dira: tanborra eta pintxoak 20 euro edo pintxoak bakarrik 5 euro. Tanborrak otsailaren 24an, igandean 11:30ean, hilaren 27an, asteazkenean 19:15ean edo martxoaren 1ean, ortziralean 19:15ean hartu beharko dira Elizondoko Herriko Etxean. Entsaioei dagokienez, otsailaren 24an, igandean 12:00etan Iriarte pilotalekuan eta hilaren 27an, asteazkenean 19:30ean Iriarte pilotalekuan eginen dituzte. Tanborra ongi bueltatzen bada 10 euro itzuliko dira, baina hondatua itzultzen bada, 15 euro kobratuko da partxea eta euro bat makil bakoitza.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun