Horretarako, gurasoek «konfiantza» emanez lagundu diezaioketeela uste du: «eurengan sinetsiz, eta batez ere, eurekin solastatuz, animatuz eta ongi egiten dutena baloratuz». Halere, «dena ez dago gurasoen esku», aipatu du: «haurrek zati bat berezkoa dute, gurasoendako ezezaguna dena, eta horrek ere badu bere garrantzia bizitzan egiten dutenarekin».
Bertzalde, «gauza berriekin hasteak eta arriskua ezagutzeak beldurra eragin dezakeela» jakitun den arren, Belzunegiren irudiko, «maila egokian eginez gero, autoestimuari laguntzen dio, eta aunitz gainera».