Arizkun Rockek antolatuta, heldu den larunbatean, ilbeltzaren 16an, 19:00etan, Iván Pradok zuzenduriko 'Pallasos en rebeldía' taldearen La Valla de Carlos Kabraña ikuskizuna eskainiko dute Arizkungo frontoian. Emanaldia 19:00etan hasiko bada ere, ateak 18:30ean irekiko dira eta sartzeko hiru euro ordaindu beharko dira. Diru hori Arizkun Rock laguntzeko izanen da.
Haur, gazte eta helduei zuzenduriko ikuskizunaren bidez errefuxiatuen gaia landuko dute, arras modu sozio-hezitzailean. Antolatzaileek adierazi dutenez, «begiak irekitzeko baliagarria» den ikuskizuna da.