Aniztarrak usatuak daude auzolanerat, herria aitzinerat ateratzeko behar-beharrezkoa baitute: herria txukun mantentzeko, xangeriak garbitzeko, larre eta sasiak mozteko, bestak antolatzeko, hondatutako bideak moldatzeko... abendua ere auzolanez betea izan dute herritarrek.
Olazarko bidea hondatua zegonez eta urtero-urtero auzolanak egin behar izaten zirenez, hondarreko batzarrean bidea hormigoiztatzea erabaki zuten. Hori dela eta abenduko hondar astean hiru egunez goiz eta arratsalde aritu dira auzolanean aniztarrak bi harginen laguntzarekin. Abenduaren 22an merezitako pintterdia izan zuten.
Olentzeroren bisita
Auzolanaz gain, abenduan Olentzeroren bisita ere izaten dute Anizen. 17:00etan hitzordua egin eta panpina soinean baserritarrez beztiturik etxez etxe ibili ziren.
