Igandean aukeratutako hamaika alkateen artean, hiru berriak izanen dira. Azpilkuetan Luis Azkarraga izanen da alkate (Andres Azkarragaren ordez), Elbeten Xabier Urreaga (Fermin Almandozen ordez) eta Zigan Idoia Arrieta (Juana Mari Gortariren ordez).
Elizondon Alazne Sansiñena Lertxundik segituko du alkate, Anizen Ainhoa Maritorena Azkaratek; Almandozen Luis Roldanek (16 urte karguan); Gartzainen Fernando Arraztoak (hirugarren agintaldia); Lekarozen Mattari Plazak (bigarren agintaldia); Oronozen Ruth Peñak (bigarren agintaldia); Arraiozen Joxelu Retegik (bigarren agintaldia); Berroetan, Carlos Garaikoetxeak (bigarren agintaldia).
Gainerako lau herrietan, beraz, alkaterik ez dute aukeratu oraindik. Arizkunen eta Iruritan ez zen hautagairik aurkeztu eta gaur egungo alkateek, Asier Lizartza eta Pello Obregozok, ez dute berriz aurkezteko asmorik. Erratzun eta Amaiurren, berriz, datorren igandean eginen dute batzarrea.