Erraterako, aste honetan, asteazkenean Don Alfonso eta Iruritako gaztetxoen animazioa izan zuten asteazkenean eta postre lehiaketa ortzegunean.
Familien Egunari dagokionez, larunbat goizeko 10:30ean familiko meza izanen dute. 11:15ean xahar, familiko, langile eta boluntarioiei agurra, jardueren aurkezpena eta Eguberriak zorionduko dituzte. 11:30ean ekintzen emanaldia eta Eguberrietako saskien zozketa eginen dute. 11:45ean aperitiboa izanen dute denendako, Jose Ignacio Muruak eta Jose Luis Olaizolak osatzen duten Harmonik By musika taldeak alaiturik.
Datozen ekitaldiak
Abenduaren 18an, asteartean 17:30ean Musika Eskolakoek kontzertua eskainiko dute kaperan.
Abenduaren 19an, asteazkenean 11:00etan Baztan Ikastolako gaztetxoek animazioa eskainiko dute bigarren pisuko ekintza gelan.
Abendyaren 20an, ortzegunean 11:15ean emanaldia eskainiko du Lagunak abesbatzak. Ondotik, Lanbide Eskolako irakasle eta ikasleek animazioa eskainiko dute.
Abenduaren 21ean, ortzirale eguerdian Olentzero Ttiki izanen dute eta abenduaren 24an, astelehenean 17:30ean, Olentzeroren bisita. Gabon gaueko afari berezia ere izanen dute akordeoilariekin.
Abenduaren 28an, ortziralean 17:30ean Eguberrietako kontzertua izanen dute Kaperan.
Abenduaren 31n, Urtezahar egunean, urtea akitzeko dantzaldia izanen dute Joxe Angel akordeoilariarekin eta Bidelagun elkarteko boluntarioen laguntzarekin, 17:15ean. Urtezahar gaueko afari berezia izanen dute akordeoilariekin.
Urte berrian, ilbeltzaren 3an, ortzegunean 16:15ean bingo berezia izanen dute opariekin. Urtarrilaren 5ean, Erregeei ongietorria eta opari banatzea, 18:00etan. Urtarrilaren 20an Elizondoko abesbatzaren emanaldia izanen dute (17:30), eta urtarrilaren 26an eta 27an, Amaiurko Gaztelu Abesbatzaren kontzertuak.