Animaliak Lagundutako Terapia izanen da ‘”Bisita nazazu, zure irribarrea eman” goiburupean
Biak Bat irabazi asmorik gabeko elkarteak eskaintzen duen Animaliek Lagundutako Terapia arlo fisikoa, emozionala, soziala edota kognitiboa hobetzea helburua duen esku-hartze terapeutikoa da. Joan den urtean bezala, aurten ere finantziazioa eman dio, Bisita nazazu, zure irribarrea eman’ programa Francisco Joaquin Iriarte Zahar Etxean gauzatzeko. Abenduaren 4an eta 5ean, astearte eta asteazaken arratsaldez eginen dituzte bisita ludikoak, «gure txakurrekin batera momentu eder bat bizitzeko».
Josune Azpiroz, Biak Bat elkarteko psikologoaren erranetan, «ikerketa anitzetan ikus dezakegu pertsona helduentzako terapia hauek oso onuragarriak direla. Alde batetik, gogo aldartea hobetzen dute eta bakardade sentimendua murrizten dute. Bestetik, beste pertsonekin erlazionatzeko terapia egokiak direla baieztatu dezakegu».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
