Landa begiradak jardunaldien lehen ekitaldia izanen da, igandean 19:00etan Gizarte Bilgunean
Baztango Udalak antolatutako Landa Begiradak jardunaldien lehen ekitaldia azaroaren 18an eginen dute. Igande arratsaldeko 7etan, Hubert Charuel zuzendariaren ‘Petit Paysan’ filma eskainiko dute Iruritako Damaso Zabalza Gizarte Bilgunean. Emanaldia jatorrizko bertsioan eginen da (frantsesez) gazteleraz azpidatzia.
Pierrek hogeita hamar urte ditu eta esne ekoizlea da. Haren bizitza baserria da, arreba albaitaria da eta gurasoak etxaldeko antzinako nagusiak dira. Frantzian lehendabiziko izurritearen kasuak azaltzerakoan, Pierre bere animalietako bat kutsatuta dagoela konturatzen da. Baina ezin ditu behiak galdu. Ez du bertzerik eta bukaeraraino ailegatuko da hauek salbatzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.