'El orgullo de ser agote' liburua aurkeztuko dute Arizkunen azaroaren 14an

Ttipi-Ttapa 2018ko aza. 9a, 10:04

Arizkunen ez ezik, Iruñean, Donostian eta Artziniegan ere aurkeztuko dute

Bozateko Gorrinea museoan, 19:00etan

Heldu den asteazkenean, azaroaren 14an, Josu Legarretak eta Xabier Santxotenak, elkarlanean, eginiko 'El orgullo de ser agote. De la tradición a la proyección internacional' lana aurkeztuko dute. 19:00etan bilduko dira, Arizkungo Bozate auzoko Gorrinean museoan.

Egun berean, 11:00etan Iruñeko Kondestablearen Jauregian dute hitzordua eta asteazkenean ez batera ez bertzera joaterik ez dutenek ortziralean eta astelehenean, Artziniegako (Araba) Santxotena Museoan eta Donostiako liburutegian, hurrenez hurren, gozatu ahal izanen dute. Artziniegan 19:30ean eta Donostian 12:00etan izanen da aurkezpena. Informazio gehiago: www.agote.org edo www.santxotena.org atarian.

Laburpena

Agote herriaren mila urteko historiaren nondik norakoak biltzen ditu lanak; gutxietsita eta baztertuta bizi izan den gizatalde baten borroka, alegia. Agote izatearen «harrotasuna», dokumentazio lan mardulaz lagunduta, eskaintzen da. Agoteak «nor ziren» eta «zer bizi izan zuten» ezagutzeko «lan berritzailea» da; zenbaiten ustez, ondorengo ikerketetarako «bide urratzaile» izanen dena.

Gizartea Baztan Arizkun

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun