erran.eus

Javier Igoa lesakarrak irabazi du Joxe Mari Apezetxearen omenez egindako margo lehiaketa

  Kultura  Baztan

28 margolarik parte hartu dute azaroaren 4an Elizondoko Kasinok antolatutako ekitaldian

Javier Igoa margolari lesakarrak irabazi du azaroaren 4an Elizondoko Kasinoak Joxe Mari Apezetxearen zenaren omenez antolatutako margo lehiaketa eta, gisa horretara, 800 euroko saria eskuratu du. Denera 28 margolarik parte hartu dute eta Elizondotik abiatuta, Aniz, Berroeta eta Ziga inguruak margotu dituzte.

Javier Igoa lesakarrak irabazi du Joxe Mari Apezetxearen omenez egindako margo lehiaketa
Saridunak eta antolatzaileak Elizondoko Kasinoan, sari banaketaren ondotik. Argazkia: Juan Mari Ondikol | Ikusi handiago | Argazki originala

 

Javier Igoa lesakarrak lehiaketa honetako lehen edizioa ere irabazi zuen. Bigarren saria (400 euro) Arabara joan da, Artziniegako Fernando Uretak eskuratu baitzuen eta Baztango margolari onenari eskainitako saria, 150 eurokoa, Blanca Jimenez lekaroztarrak eskuratu du. Sei baztandarrek parte hartu dute aurten lehiaketan.

Tomas Sobrino, Xabier Soubelet eta Juan Carlos Olaetxea margolariek, Lekarozen eta Gartzainen mediku izan zen Salvador Martin-Cruz arte kritikoa eta Eduardo Zubikoa Kasinoko presidenteak osatu dute epaimahaia. Ohikoa denez, Kasinoan egindako bazkari oparoarekin akitu da lehiaketa.

Antolatzaileek aitzineratu dutenez, datorren urteko seigarren edizioak Almandoz, Oronoz-Mugairi eta Arraioz izanen ditu margotzeko lekuak eta gisa horretara, Baztango herri guztietatik pasatuko dira dagoeneko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa