Larunbat goizean, 10:40an ohiko ibilaldia eginen dute Gamioxarrera. 11:00etan harrera eta ate irekiera eginen dute eta ondotik sagardogintza erakustaldia eginen dute XVIII. mendeko dolaretxean. 11:15ean Baztango gaitariak eta kankailuak ibiliko dira herrian eta Txalapartaldia eskainiko dute zenbait taldek: 12:00etan Iruñeko Taketan pilotalekuan, 12:30ean Hernaniko BihoTx elizan eta 13:00etan Madrilgo Madrilen Txalaparta taldeak Taskan. Pilotalekuan 10x10 metroko murala margotiko dute, Malmö Ilustration eta Jabiren eskutik, Baztandarren Biltzarra eta Arizkungo herriarekin elkarlanean. Sagardo saltzaileak asto eta gurdian ibiliko da, eskualdeko artisau azoka eginen dute eta Berriozarko albokariak aditzeko aukera ere izanen da. 12:30ean tinkatzea eta zuku dastaketa eginen dute eta 13:45ean kirikoketa jotzea, Gallartako Harrigorria dantza taldea eta Baztango Kirikoketariekin. Baztango Xulubitariekin Jauziak ere izanen dira. 14:45ean bazkari herrikoia eginen dute. 18:00etan kalejira eta plazako aitaldia Oñatiko Oñatz dantza taldearekin eta 21:00etan parti aparta, Andrelina Jolin, Intro Txalaparta, Julivert (Katalunia) eta Makulu Ken taldeekin. 01:00etan hasita Tirri&Tery Jai-alai Guateke eta DJ-Reimy.