Bide publikoetan 14.219 euroko konponketak egin ditu Baztango Udalak

Bide publikoetan 14.219 euroko konponketak egin ditu Baztango Udalak
Amaiurko Txiskeneko bidean moldaketa lanak egin dituzte.

Arizkungo Bergara auzotik Azpilkuetako Apaioarat doana moldatzen egin da inbertsiorik handiena

Baztango Udalaren ardurapeko bide publikoetan lan desberdinak egin dira hilabete hauetan. Amaiurko hilerriko bidearen hasmentako bihurgunean, adibidez, Xurteleko erreka hodiekin bideratu eta tarte hori zolaberritu du udalak, bidearen gainetik pasatzen zen errekak hormigoi zola arrailtzen eta kaltetzen baitzuen gelditu gabe. Lanak Almacok, 3.500 euroan egin ditu.

 

Bertzalde, Arizkungo Bergarako auzotik Azpilkuetako Apaioarat doan bidean lurmendia izana zen eta bidea hondaturik zegoen. Udalak bidea zabaldu du, harril-lubeta edo eskollera egin eta ingurua garbitu.  Denera 7.210 euroko kostua izan duen lana Luis Azkarragak egin du.

Azpilkuetan ere bai Larraingo bordako bidean bi bihurgune zabaldu dira, 3.509 euroan. Kasu honetan lana Isidro Goñi eskabazioakek egin du.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun