Urriaren 18an eta 25ean, Aingeru Oiartzabal psikologo adituarekin
Baztango Udalak eta Baztan, Urdazubi eta Zugarramurdiko Gizarte Zerbitzuek ‘Harreman osasuntsuen garapenean hezitzen’ ikastaroa antolatu dute, 6-12 urte bitarteko seme-alaben gurasoei zuzendua. Urriaren 18an eta 25ean eskainiko du Aingeru Oiartzabal psikologo adituak, 17:00etatik 19:00etara Elizondoko Arizkunenean.
Izena emateko epea urriaren 15era bitarte zabalik dago. Horretarako, Gizarte Zerbitzura hurbildu behar da, 948 580006 telefonora deitu edo gizartezerbitzua@baztan.eus helbidera idatzi.
Bertzeak bertze, gurasoen inplikazioak haurrengan duen eragina, gatazkak erarik baikorrenean kudeatzea edo komunikazioa aberasteko gakoak landuko dituzte.