Larunbatean 140 lagun bildu dira, gaur egun Elizondoko auzoak 55 bizilagun bertzerik ez baditu ere
Urriaren 6an ospatu dute Beartzungo Eguna. 2004. urtean hasi ziren elkartzen eta lehenago Elizondo herrian egiten bazuten ere, hirugarren urtez segidan, Beartzun auzoan berean egin dute ospakizuna. Aurten 140 beartzundar. elkartu dira.
Gaur egun, 55 lagun inguru bizi dira Beartzunen, eta larunbatean, auzotik kanpo bizi diren anitz itzuli ziren, etxera, auzokideekin elkartu eta ederki pasatzera. Xorrotxeneko Pakita Iturregik piztutako altxaferoarekin hasi zuten besta, erraldoi eta gaiteroak, herri kirolak, bazkari, Menditarren kantaldia, Santxotenarekin dantzaldia, eta afal ondotko dantzaldiarekin agurtu zuten eguna. Egun berezia, auzokideak elkartzeko egun ederra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.