Asteazken arratsaldeko 8etan Arizkuneneko sabaian
Joan den maiatzean Baztango herri guztietan eskualderako planteatzen den hondakin biketa sistemaren inguruko bilkura informatiboak egin ziren baina Elizondoko bilkurara jende gutti hurbildu zenez, hau errepikatzea erabaki da. Urriaren 3an, asteazken arratseko 8etan eginen dute Arizkuneneako sabaian.
2017-2027 urte bitarterako Nafarroan onartu den Hondakinen Planak planteatzen dituen helburuak betetze bidean, gure eskualdean sortzen diren hondakinen kudeaketa hobetu eta birziklapen tasak hobetzeko asmoz, gai organikoaren kudeaketarako plan baten diseinuan aritu ondoren, plan honen nondik norakoak eta gurean eragingo dituen aldaketen ingurukoak kontatzeko bilkura informatibo berria deitu dute Elizondon eta herritarrak bilkura honetara hurbiltzeko deialdia egin dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.