Hasier Larretxea idazle arraioztarrak bere azken liburua aurkeztu du irailaren 28an

Ttipi-Ttapa 2018ko ira. 27a, 11:32
Poesia-liburua aurkeztuko du Hasier Larretxeak.

‘Batzuen ametsak bertzeen zelai zulatuak dira’ poesia-liburua argitara eman du Pamielak 

Hasier Larretxea Gortari idazle arraioztarrak, Pamiela argitaletxearekin argitara eman duen ‘Batzuen ametsak bertzeen zelai zulatuak dira’ poema liburu berria aurkeztu du. Aurkezpen ekitaldia irailaren 28an, ortzirale goizean egin du Iruñeko Karrikiri liburudendan, Pamielako Jose Angel Irigaray lagun duela.

 

Arraiozko idazlearen lan ugarien arteko azken hondar-alea da liburu hau. Poesian Azken bala (2008), Atakak (2011), Niebla fronteriza (2015), De un nuevo paisaje (2016) eta Meridianos de tierra (2017) publikatu ditu eta narrazioan, Larremotzetik (2014) eta Zuri NegrÌn-en ilustrazioekin eta Paola Lozanoren argazkiekin osatutako El lenguaje de los bosques (2018). Te cuento proiektuan Clemente Bernad argazki kazetariaren irudiak Pulgarcito ipuinaren errebisioarekin lagundu ditu 2015ean.

Gurasoekin batera emanaldi performatiboak ere osatzen ditu poesia, herri-kirolak eta herri doinuak uztartuz.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun