Egitaraua
10:00etako harrerarekin hasiko dute eguna. 10:30ean, herriko txokoak ezagutzeko, ibilbideari hasiera emanen diete (bi aukera izanen dira: luzeak bi ordu inguruko iraupena izanen du; laburrak, aldiz, ordu erdi ingurukoa). 11:00etan hiru eta zazpi urte bitartekoendako, Ilargi arrantza ikuskizuna eskainiko du Banakike Txotxongilo Taldeak. Emanaldia herriko aterpetxean izanen da.
Ikuskizuna akituta, 13:00 aldera, frontoian bilduko dira, bazkaltzeko. Bazkaria autogestionatua izanen da. Bazkaldu ondotik, ikasleek saldutako txartelen zozketa eginen dute. Eguna borobiltzeko, arratsaldean, haurrendako jokoak eta dantzaldia izanen dituzte.