Asteburuan Elizondon egitekoa den Pirinioetako behi-aziendaren lehiaketa-enkantearen antolatzaileek hainbat hizlari gonbidatu dituzte ortzegun arratsaldean Olaben eginen den hitzordura. ASPINA-CONASPIko ordezkariek, Nafarroako Aratxeko kontseilu arautzaileko idazkariak, Juan Kruz Iriarte Bañez Baztango Udaleko abeltzaintza, ingurumen eta mendien zinegotziak eta Lorentxo hostaleko ordezkariak parte hartuko dute.
Francisco Jabier Iñiguez abeltzaina eta ASPINA-CONASPIko presidentearekin batera, Juan Kruz Iriarte Baztango zinegotzia, Carmen Diaz de Cerio Nafarroako Aratxeako kontseilu arautzailearen idazkaria, Patxi Aranguren ASPINA-CONASPIko idazkari teknikoa eta Lorentxo hostaleko ordezkaria izanen dira hizlariak.
Mahai-ingurua 19:30ean eginen da Lorentxo hostalean, eta horrekin batera asteburuko lehiaketa-enkantearen aurkezpena ere eginen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.