Egun horretan bertan, ikasle ohiek berriki hil den Jose Antonio Argaña, 1975/1976 ikasturtean gorputz heziketako irakasle izana, omenduko dute. Areago, Argañak bere ikasleengan utzitako arrastoa ageriko eginen dute, prestatu duten ikus-entzunezko baten bidez. Izan ere, ikasleen arabera, berari esker, ikasle aunitzek maila goreneko atletak izatera ailegatzea lortu zuten.
Egitaraua
11:00etan hasiko da ospakizun besta, eta bazkari eder batekin borobilduko dute eguna. 11:00etan Txokon bildurik, egiaztagiriak banatu eta gosaltzeko tartea izanen dute. 12:00etan, berriz, eskolan barrena, bisita gidatua izanen dute. 13:10ean dantzak izanen dira ikusgai. Segidan, ospakizun akademikoan murgilduko dira. Diplomak banatu eta Argaña omentzeko
tartea izanen dute, ikus-entzunezkoa ageriko eginez. 13:30ean argazkia atera ondotik, 14:00etan bazkarian bilduko dira.
Izen-ematea
50. urteurreneko ospakizun ekitaldietan parte hartu nahi dutenek 626 415215 telefonora deituz eman dezakete izena eta 50 euro ordaindu beharko dituzte.