Diana Iniestaren lanak ikusgai Erratzun, irailaren 2a arte

Diana Iniestaren lanak ikusgai Erratzun, irailaren 2a arte
Abuztuaren 8an, 9an, 10ean, 18an, 19an, 20an, 21ean, 28an, 29an eta 30ean bisita gidatuak izanen dituzte

Aurtengo erakusketan Apezetxea eta Cox omenduko ditu

Otsailean New Yorken egon ondotik, ikasitakoa azaleratuz erakusketa ireki du aurten ere Diana Iniesta margolariak. Olio teknikaz egindako formatu handiko lanak, ‘Emotiva’, ‘Studies and sketches’, ‘In Somnia’, ‘En Harlem’ eta ‘Paisaiak’, ikusgai daude Erratzun. Uztailean bere lantokian eta abuztuan Lixutegian ikusi ahal izanen dira, 18:30etik 21:00etara.

 

Lan horiekin batera, bere tailerrean eta kanpoan egindako lanak ikusteko aukera eskainiko die bisitariei. Hainbat lan ikusi ahal izanen dira: haurrak eta helduak, Baztan hezearen paisaiak, leihotik ikusitako Harlemeko irudi hotzak, Donibane Garaziko itsasoaren argi eta zakartasunarekin amesteko lanak…

Margolanak, bideoak eta olerkiak ikusgai

Aurtengo erakusketaren berrikuntza nagusi gisa, Diana Iniestak Jose Maria Apezetxea eta Peter Cox margolariak, azken urteetan bere erreferentzia izan direnak, omenduko ditu. Joan den urteko irailean hil ziren biak, baina beraien oroimena itzal ez dadin, horien lanak ere ikugai izanen dira Iniestaren erakusketan. Era berean, Mikel Esparzak Diana Iniestari egindako erretratoa ere erakusketan izanen da. Areago, margolan horiek guztiak ez ezik, Manhattanen grabaturiko bideoa eta bertan idatzitako olerkiak ere bildu ditu.

Inaugurazioa eta bisita gidatuak

Musika eta olerkiz hornitutako inaugurazioa abuztuaren 10ean izanen da, 18:30ean. Hortik aitzinera, 8an bertan, 9an, 10ean, 18an, 19an, 20an, 21ean, 28an, 29an eta 30ean, 19:00etan, bisita gidatuak eskainiko dituzte.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun