14 kilometroko ibilbidea osatzeko 18 minutu eta 16 segundo behar izan zituen Irazokik (46 kilometro orduko banaz bertzeko abiadura) eta denbora horrek hirugarren postua eman zion. Lehenbizikoa Lizarte taldeko Urko Berrade izan zen (17:39, elizondarrak baino 37 segundo guttiago) eta bigarren Lizarte taldeko Asier Ormazabal (18:04, 12 segundo guttiago).
Iñaki Irazoki 1997ko urriaren 13an jaio zen Elizondon eta, beraz, 20 urte ditu. Hirugarren urtea du afizionatu mailan eta 23 urtez beheitiko kategorian lehiatzen da. Irazokik Nafarroako selekzioarekin Espainiako txapelketan ere parte hartu zuen ekainean Castellonen.
