Beran, N-121-A errepidean ibilgailu astunen harat-honata erdira jautsi den bitartean, A-15ean, Areso parean 1.906 ibilgailu astun gehiago dabiltza egunero
Belate eta Almandozko tunelak egokitzeko lanek aitzinera segitzen dute eta hauek itxiak dauden bitartean, Belateko errepide zaharra (NA-1210) erabiltzen ari dira gidariak. Honen eta N-121-A eta N-121-B errepideen segurtasunaren inguruko balorazioa egin du lanen jarraipen batzordeak, joan den ortziralean egindako bileraren ondotik. Orokorrean, baikor baloratu dute. Berez, kamioiei eragiten dieten murrizketak uztailaren 15ean bukatzekoak dira eta horiekin segitu edo ez erabaki beharko du orain Gobernuak.
N-121-A errepidearen erabilerari dagokionez, Olaben %61,23 murriztu omen da trafikoa eta Beran, berriz, %51,58. Honek, noski, eragina dauke A15 autobidean. Areso parean, lan egunetan 1.906 ibilgailu astun gehiago dabiltza, banaz bertze.
Orain artean, Almandoz eta Belateko tunelen drenatze-lanen erditsua egin da eta tuneletan berrogeina metroko bi bide bazterrak ere eguten hasiak dira. Bi tuneletan suaren kontrako kablea ere jartzekotan dira eta oraingoz, lehengo kableak kentzen ari dira. Uztail erditsuan hasiko dira kable berria jartzen.
