Barrenetxearekin batera 30-25 irabazi zien Ezkurra II.a eta Ion-i
Nafarroako erremonte txapelketako bigarren jardunaldia jokatu zen ekainaren 29an Olatzen. Bertan, hiru urteko geldialdiaren ondotik, berriz ere kantxan izan zen Gorka Urtasun iruritarra. Barrenetxea IV.arekin batera garaipen garbia lortu zuen Ezkurra II.a eta Ionen kontraa (30-25) eta lider paratu dira.
Promozio txapelketako partidan, Eloy Garcia doneztebarrak eta Aritz Juanenea saldiastarrak 35-28 irabazi zieten Barricart eta Otanori. Jaialdia ADANOren aldekoa zen.
Nafarroako erremonte txapelketak atseden hartuko du uztailaren 20ra bitarte. Lehen mailako txapelketan, Uterga eta Etxeberria III.ak, Urtasun eta Barrenetxea IV.aren kontra jokatuko dute orduan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.