Izan ere, Euskal ligako lehenbiziko erregionalean azken aurreko postuan sailkatu ondotik, maila mantentzeko promozioa ere jokatu behar izan zuen Irungo Txingudi Rugby Taldearen kontra. Irundarren kontrako bi partidak nagusitasunez irabazi arren, goitiko kategorian gerta zitezkeen euskal taldeen jautsieren menpe zeuden oraindik. Maila horretan, asteburu honetan jokatu da promozioko itzulerako partida eta joanekoan bezala, Durango Rugby Taldeak irabazi egin dio Asturiasko Belenos taldeari. Hortaz, Menditarrak BRT taldeak mailari eutsiko dio eta euskal ligako lehen mailan jokatuko du.