Alava Sareari buruzko erakusketaren irekiera ekitaldia eginen da Elizondon, hilaren 29an

Ttipi-Ttapa 2018ko eka. 26a, 10:56
Sarea sortu zutenen artean izan zen Bittori Etxeberria elizondoarra

Ekainaren 29an inauguratuko da eta ekainaren 30etik uztilaren 18ra bitarte bisitatu ahal izanen da

Ortziralean, ekainaren 29an, inauguratuko dute Alava Sareari buruzko erakusketa, Arizkunenean; eta ekainaren 30etik uztailaren 18ra bitarte, astelehenetik ortziralera, 17:00etatik 20:00etara, ikusi ahal izanen da erakusketa.

Irekiera ekitaldia herritar guztiei zuzendua dago. Josu Txueka historialariak eta Bittori Etxeberriaren biografia egileek hitza hartuko dute. Sarrerako hitzak, berriz, Joseba Otondo alkateak eginen ditu.

Alava Sareaz bi hitz

Bittori Etxeberria elizondoarrarekin batera, Itziar Mugika, Tere Verdes eta Delia Lauroba izan ziren 1936tik aitzinera Alava Sarea elkartasun-sarea ardaztu zutenak. Luis Alava izan zen erakundeko ordezkari-arduraduna eta 1940-1941 bitarteko neguan, Sarea erori zelarik, sumarisimoki epaitu zituzten. Ondotik, 1943ko maiatzaren 6an, hil zuten Luis Alava.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun