Nafarroako Gibel Transplantatuen eta Gaixoen Elkartearen eskutik, asteazkenean 19:00etan Arizkunenean
Nafarroako Gibel Transplantatuen eta Gaixoen Elkarteak (ATEHNA) solasaldia eskainiko du ekainaren 6an, asteazkenean 19:00etan Elizondoko Arizkunenea Kultur Etxeko sabaian, Baztango Udalak antolatuta.
Organoen dohaintzari buruzko solasaldia hasteko Itxaropena filma proiektatuko dute. Segidan, emaile izatean bizi ditzaketen hainbat egoera azalduko dituzte, eta horretarako, hildako baten gibelarekin eta bizidun batenarekin transplatatuta daudenek bere istorioa kontatuko dute. Gibel zati bat eman duen pertsona batek bere bizipenak ere azalduko ditu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.