Udal ordezkariekin bildu dira maiatzaren 28an eta hauek kezka handiarekin hartu dute berria
Magna enpresako zuzendari nagusi berria Baztango Udalarekin bildu da maiatzaren 28an, astelehen goizean. Aalkatearekin eta bi zinegotzirekin izan da eta udaleko ordezkariei jakinarazi die Erdizeko harrobi proiektuari buruzko tramitazioa hasi nahi dutela. Ondoko egunetan Nafarroako Gobernuan proiektuaren memoria aurkeztuko dute eta Nafarroako Gobernuak nolako ingurugiro txostena egin behar duten zehaztuko du.
Baztango Udaleko ordezkariek berria kezka handiarekin hartu dute eta Magnako zuzendari nagusiari Erdizeko bazkaleku komunalak duen balio ekonomiko eta ekologiko handia oroitarazi diote, baita orain hamar urte harrobi proiektuaren kontra izandako mobilizazio handiak ere. Aldi berean, herri-lurrei buruzko erabakiak Baztango Batzar Nagusiak hartzen dituela erran diote.