erran.eus

Mirentxu Oiartzabal elizondoarrak Karlos III.a Noblearen Gurutzea jaso du

  Gizartea  Baztan  Elizondo

Uxue Barkosek sari hori jaso duten bederatzi lagunen ahalegina, iraunkortasuna, ekintzailetza eta hobetzea nabarmendu ditu

Uxua Lopez ikertzaileak; Ana Diez zinema-zuzendariak; Ascen Cruchaga enpresariak; Frias Sagardoy ahizpak arkitektoak; Nafarroako Koruen Federazioak; Arza Suescun ahizpak, Hartza jatetxekoak; Gaz Kaló Federazioa, ijitoen herriaren defentsarako; Arregi/Urbeltz, Argia Dantza Taldearen sortzaileak; eta Mirentxu Oiartzabal endokrinologoak jaso dute Karlos III.a Noblearen Gurutzea.

Mirentxu Oiartzabal elizondoarrak Karlos III.a Noblearen Gurutzea jaso du
Sari banaketa ekitaldian, saridunak Uxue Barkosekin batera | Ikusi handiago | Argazki originala

 

Joan den larunbatean, maiatzaren 12an, egin zuten sariak emateko ekitaldia eta Uxue Barkosek bederatzi lagun horien ahalegina, iraunkortasuna, ekintzailetza eta hobetzea nabarmendu zituen.

Saridunen lana ezagutzera eman eta balioetsi dute

Ekitaldia Kultura, Kirola eta Gazteria Departamentuko Isabeldar Klaustroan egin zen. Bertan izan ziren Foru Gobernuko kide guztiak zein Parlamentuko Lehendakaria, Ainhoa Aznárez, eta Gobernu Zentraleko delegatua, Carmen Alba, beste agintari batzuen artean.

Euskalerriko Txistulari Elkartea Nafarroako himnoa,  "Tuterako jota" eta "Sagar dantza", Baztango inauterietako dantza jo zituen.  Gurutzeak edo dominak ematerakoan ohikoa den Erdi Aroko dantza ikusi ahal izan zen eta musikaren zatia amaitzeko, "Belauntxingo"ko bi dantzarik emanaldia eskaini zuten.

Sariak banatzearekin batera, saridunen lana ezagutzera eman zuten. Besteak beste, Mirentxu Oiartzabal Irigoien endokrinologoaren "kezka pertsonal eta solidarioa, Nafarroako haur eta gazte diabetikoen Guraso Elkartearen bultzatzaile bezala eta osasun unibertsalerako eskubidearen defendatzaile moduan" nabarmendu zituen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa