Mus eta seien txapelketako finalak jokatu dituzte Elizondoko Zahar Etxean

Ttipi-Ttapa 2018ko mai. 8a, 11:18

Elizondoko Francisco Joaquin Iriarte Zahar Etxeko mus eta seien txapelketetako saridunak.

Mus txapelketan Felipe Santamaria eta Jesus Etxeberria nagusitu dira eta seien txapelketan Marina Remiro

Elizondoko Francisco Joaquin Iriarte Zahar Etxean martxoan eta apirilean jokatu diren mus eta seien txapelketetako azken partidak jokatu zituzten maiatzaren 7an. Aitzakia horrekin, berendu ederra ere izan zuten egoitzan eta 45 lagun elkartu ziren.

Aipatu behar da, adibidez, mus txapelketan 16 bikote izan zirela, eta bikote hauek bertako erresidente batek eta senide edo herriko barride batek osatuta zeudela, harremanak sustatzeko asmoarekin.

Sariak ere banatu zituzten. Seien txapelketan, Marina Remiro izan zen irabazle, Paco Zabalza bigarren, Felix Ugarte hirugarren eta Adelaida Ascunce laugarren.

Musean, Felipe Santamaria eta Jesus Etxeberriak irabazi zieten finalean, Txeli Arretxea eta Agustin Arretxeari. Juanito Larre eta Jesus Gaztanbide hirugarren izan ziren eta Ignacio Elizetxe eta Francisco Larunbe laugarren.

Sari berezi bat ere eman zioten musean jokatu duen erresidente emakume bakarrari, Maite Sagastibeltzari.

Gizartea Baztan Elizondo

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun