Liburuaren Eguna ospatu dute lehen aldiz Anizen

Apirilaren 23a liburuaren eguna dela aprobetxatuz, aitzineko egunean, apirilaren 22an igandean, Anizko lehenbiziko liburuaren eguna ospatu da.  Goizean material birtziklagarriarekin liburu handi bat egin dute eta liburuaren barneko aldea pintatzen aritu dira. Arratsaldean berriz, Jauregiko Joxe Juakinek lehengo Anizko kontu xaharrak kontatu ditu: eskola kontuak. lehengo jostetak... Haurrak ez ezik, helduak ere joan dira lehengo kontuak aditzerat. Ondotik Indeko Frantxixkak ipuinak kontatu dizkie haurrei.  Akitzeko, liburuxka ttipi bat osatu dute haur guztiek egindako marrazkiekin eta etxetik ekarritako liburuen trukaketa egin dute. Ea heldu den urtean II.liburuaren eguna ospatzen dugun!!Argazkiak: Maitane Maritorena

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun