erran.eus

Gervasio Sanchezen ‘Sarajevo, gerra eta bakea’ erakusketa ikusgai da Elizondon

  Kultura  Baztan  Elizondo

Apirilaren 24tik maiatzaren 18ra jarri dute Arizkunenea Kultur Etxean

Baztango udalak Gervasio Sanchez-en argazki erakusketa bat aurkeztu du apirilaren 24an Elizondoko Kultur Etxean. Sarajevo, gerra eta bakea izenburupean antolatu dute Euskal Fondoak eta Baztango Kultura Zerbitzuaketa maiatzaren 18ra bitarte dago ikusgai.

Gervasio Sanchezen ‘Sarajevo, gerra eta bakea’ erakusketa ikusgai da Elizondon
Gerra eta bake garaiko Sarajevo irudikatzen ditu Gervasio Sanchezek. | Ikusi handiago | Argazki originala

 

Gervasio Sanchezek azken urteotan munduan zehar egindako gerra gehienetan lan egin izan du, Bosnia-Herzegovinako gerla barne. Azken gatazka honetan ikusitakoen eta bizitakoen lekukotasuna eman nahi digu orain, gerlaren atzokoa eta gaurkoa isladatuz. Gervasio berak esaten duen bezala, «antzekoak bizi ez dituenak ezin du bertan bizitako izuak irudikatu».
Erakusketak maiatzaren 18a arte iraunen du zabalik, astegunetan 17:00etatik  20:00 arte. Erakusketa Arizkunenea Kultur Etxean eginen da.

Gervasio Sanchezek 50 agertzen ditu, 25 diptikotan banatuak. Txuri-beltzean, 1992 eta 1994. urteen artean Sarajevon gerran hartutako irudiak eta koloretan, leku berean bakean hamabortz urte beranduago ateratakoak.

Gervasio Sanchez kazetari independiente moduan hasi zen 1984an eta dozena bat argazki-liburu argitaratu ditu. Hainbat sari ere eskuratu ditu, hala nola, Cirilo Rodríguez, Prentsaren Nazioarteko Kluba, Andaluziako Kultura, Kazetaritzako Giza Eskubideak, Liber Press, Javier Bueno, Ortega y Gasset eta Argazkilaritzako Sari Nazionala 2009an.

2018/04/24 - 2018/05/18

Baztan Elizondo

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa