erran.eus

Baztango Udaberriko pilota txapelketaren finalak jokatu dituzte apirilaren 15ean

  Kirola  Baztan

Txaruta elkarteak antolatutako 28. edizioko azken partidak igande goizean jokatuko dituzte Elizondoko Baztan udal pilotalekuan eta Amaiurko Gure Ametsa pilotalekuan 

Txaruta elkarteak 28. aldiz antolatutako Udaberriko txapelketako finalak apirilaren15ean jokatuko zituzten Elizondoko Baztan Udal pilotalekuan eta Amaiurko Gure Ametsa pilotalekuan. Denera 162 bikote aritu dira otsailaren 10ean hasi zen txapelketa honetan, 250 bat partida jokatuz Elizondo, Almandoz, Oronoz-Mugairi, Amaiur eta Arizkungo pilotalekuetan.

Baztango Udaberriko pilota txapelketaren finalak jokatu dituzte apirilaren 15ean
Udaberriko pilota txapelketako finalistak, antolatzaile eta sari-emaileekin batera. Argazkia: Foto Zaldua | Ikusi handiago | Argazki originala

 

Elizondon jokatutako finakletan, Umeak A kategorian, Andoaingo Mikel Gaztañagak eta Aimar Berozek 18-8 irabazi zieten Azpeitiko Jokin Artetxe eta Abel Astigarragari.

Kimuak A kategorian, Ordiziko Aratz Otaego eta Ioritz Zarrabeitiak 18-6 irabazi zieten Oronozko Joel Garaimoetxea eta Ugaitz Apeztegiari.

Haurrak A kategorian, Tolosako Ugaitz Amundarain eta Martxel Iztuetak 18-7 irabazi zieten Zestoako Xabat Sasiain eta Zegamako Hegoi Telleriari.

Kadete A mailan, Azpeitiko Aimar Egiguren eta Josu Labakak 18-8 irabazi zieten Paz Zigandako Iker Ibarra eta Arai Murillori.

Gazte mailan, Lekarozko Oier Ariztegik eta Elizondoko Axier Ballarenak 22-11 irabazi zieten Oberenako Josu Igoa eta Mikel Zabaletari.

Amaiurren jokatutako finaletan, Umeak B kategorian, Leitzako Axi Astibiak eta Ganix Rodriguezek 18-14 irabazi zieten Ataungo Inar Barandiaran eta Mikel Altzuari.

Kimuak B kategorian, Andoaingo Oihan Lantzeta eta Aimar Segurolak 18-17 irabazi zieten Lazkaoko Eñaut Ibarguren eta Markel Iturberi.

Haurrak B kategorian, Errenteriko Oihan Etxeberriak eta Urretxuko Oier Ibarluzeak 18-3 irabazi zieten Lazkaoko Jokin Askarai eta Haritz Goenari.

Kadete B mailan, Ultzamako Xabi Gerendiain eta Aitor Elizondok 18-10 irabazi zieten Oberenako Oskar Alastuy eta Mikel Otondori.
Sari banaketan, Iñigo Martinez eta Julen Martija pilotari profesionalak eta Unai Apeztegia eta Iñaki Otxandorena pilotari ohiak izan ziren.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa