erran.eus

Berroetako Mendi Maratoi Erdirako izen-ematea zabalik da

  Kirola  Baztan  Berroeta

Apirilaren 21ean eginen dute 21’6 kilometro luze eta 1.240 metroko malda duen lasterketa, Berroetan hasi eta akituz 

Joan den urteko mendi lasterkari segida emanez, Berroetako Mendi Maratoi Erdia antolatu du Berroetako Herriak. Apirilaren 22an eginen dute eta kirolariek 21,6 kilometro eta 1.274 metroko malda duen lasterketa egin beharko dute Berroeta inguratzen duten mendietan barna. Bertzeak bertze, Elorregi, Saioa, Okollin, Larraldeko erreka eta Uzketatik barna pasako dira lasterkariak. 

Berroetako Mendi Maratoi Erdirako izen-ematea zabalik da
Mikel Beunza, joan den urteko Berroeta-Abartan-Saioa lasterketako irabazlea. Aurten Maratoi Erdia eginen dute Berroetan. | Ikusi handiago | Argazki originala

 

Saioa izanen da ibilbideko punturik altuena, 1.418 metrotara dagoena. Ibilbidean bortz hornidura-gune izanen dituzte eta gehienez hiru ordu eta 30 minututan egin beharko dute lasterketa.

18 urtetik goitiko kirolari guztiek parte hartzen ahal dute, federatuak egon edo ez, baina antolatzaileek 300 parte-hartzaile onartuko dituzte gehienez. Izen-ematea internetez bakarrik egiten ahal izanen da, www.herrikrosa.eus atarian, eta apirilaren 17a izanen da izena emateko azken eguna. 22 euro ordaindu beharko dira.

 

Oinezkoendako ibilaldia

Mendian barna itzulia ere eginen dute. Oinezko ibilbidea 07:00etan aterako da eta horretarako hamar euro ordaindu beharko dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa