Belateko lanek dirauten bitartean nazioarteko kamioiak bertatik ez pasatzea eskatzeko bigarren errepide mozketa eginen dute apirilaren 13an

Ortziralean arratsaldeko 6:30ean deitu dute Arraizko Bentan 

Belatako tunelak hobetzeko eginen dituzten lanengatik, tunelak zazpi hilabetez hetsi eta trafikoa Belateko gainetik igorriko dute. N121A errepidearen bazterreko alkateek nazioarteko zama garraioa belateko gainetik pasatzen ez uzteko eskatu diote Nafarroako Gobernuari, arras arrikutsua baita. Baina orain  artio gobernuak kasurik ez du egin. Horregatik, apirilaren 13an, ortziralean Arraizko bentetan errepide mozketa berria eginen da. Hitzordua arratsaldeko 6:30ean egin dute eta herritar guztiei parte hartzeko gonbitea egiten zaie.