Zerbitzu anitzeko lanetarako eta desbrozatzeko traktore gidari aritzeko lanpostu deialdia egin du Baztango Udalak

Ttipi-Ttapa 2018ko api. 6a, 06:50

Deialdian parte jartzeko apirilaren 17ko ordu biak baino lehen aurkeztu behar da dokumentazioa

Baztango Udalak zerbitzu anitzeko lanetarako eta desbrozatzeko traktore gidari aritzeko, langabetu gisa izena emanda dauden pertsonak aldi baterako kontratatzeko deialdia egin du. Deialdian parte hartzeko, Baztango Udaleko bulegoetan (Foru plaza z/g, Elizondo) aurkeztu behar da dokumentazioa, apirilaren 17ko ordu biak baino lehen.

Bi kontratazio egitea aurreikusten da, 6 hilabeteko iraupena izanen dutena.
Lanpostuek D mailako ordainsaria izanen dute, lanaldi osokoak izanen dira eta ondorengo zereginak izanen dituzte:

• Lanpostu bat, desbrozatzeko traktore gidarirako.

• Lanpostu bat zerbitzu anitzetako eginkizunetarako. Bere funtzioak Enplegu babestuko lan taldearekin batera burutuko ditu.


Bete-beharreko baldintzak:

• Eskolako graduatuaren titulua edukitzea

• Langabezian egotea eta Nafarroako Enplegu Zerbitzuari atxikitako Enplegu Agentziaren batean enplegu eskatzaile gisa izena emanda egotea.

• Euskara maila ziurtatzea, C1 maila ahozkoan. Maila ziurtatzeko agiririk izan ezean, mailaketa proba eginen da.

• B1 motako gidabaimena edukitzea.

Deialdian parte hartzeko, Baztango Udaleko bulegoetan (Foru plaza z/g, Elizondo) aurkeztu behar da dokumentazioa, apirilaren 17ko ordu biak baino lehen.


Aurkeztu beharreko dokumentazioa:

• Nortasun agiria

• Eskatzen den titulazio akademikoa

• Merituak: ikastaroak eta lan esperientzia ziurtagiriak


Informazio gehiago: 948580006 edo Baztango Udaleko web orrialdean

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun