Bideak konpondu eta frontoian toldoa paratu ondotik Lekarozko Larraldea sagardotegian egin zuten pintterdia
Auzolan eguna izan dute martxoaren 17a Anizen. Lanak bi bideetan eta frontoian egitekoak zirenez, hiru taldetan partituta, batzuk Olazarko bidea moldatzera eta bertzeak Aizkokorat joan ziren. Hondar aldiko elurte eta euriteek hondatutako bide eta zulokak konpondu zituzten. Hirugarren taldea frontoian gelditu zen. Basaka ari duelarik frontoia arruntean bustitzen denez, horrelakoetarako frontoia babesteko bi toldo paratu zituzten, eskuz mugitzen ahal direnak.
Lan hauek guztiak eginik, beti bezala pintterdia elkartean egin beharrean, sagardotegi sasoia dela aprobetxatuz, Lekarozko Larraldea sagardotegirat joan ziren aniztarrak. Argazkian Aizkoako bidea konpontzen, frontoia toldori gabe eta toldoa paratzeko lanetan eta pintterdirat joan ziren aniztarrak.