Baztandarren Biltzarra iragartzeko kartel lehiaketarik ez da eginen aurten

Ttipi-Ttapa 2018ko mar. 19a, 07:06
Kartel lehiaketarik ez egitea erabaki du Baztandarren Biltzarrak.

Horren ordez, Baztango artista grafiko baten lana hautatuko dute urtero

Baztandarren Biltzarra hurbiltzen ari dela eta, aurtengo besta iragarriko duen irudiaren inguruan solasteko elkartu dira, eta elkarteak aurten lehiaketarik ez dela izaenen erabaki du. Bertze alorretan bezala, bertakotasuna bultzatu nahian, irudia Baztango artista grafiko baten eskuetan uztea erabaki dute. 

Gisa honetan, Baztandarren Biltzarratik diotenez, «kartelaren kalitatea ziurtatzeaz gain, irudiak bestaren esentzia eta izaera garbi erakustea bilatzen dugu, eta bidenabar, lehiakortasuna ekiditea».

Baztango artista grafikoak parte hartzera animatu nahi dituzte. Horretarako, jada egin dituzten lanen portafolioak martxoaren 30a baino lehen aurkeztu beharko dituzte elkarteak beraien berri izateko. Jasotako portafolioen artean aurtengo besta iragarriko duen artista hautatu eta berehala jakinaraziko diote. Gainontzeko portafolioak, berriz, datozen urteetarako hautagai gisa gordeko dituzte, asmoa urtero artista ezberdin baten lana aukeratzea baita.

Lanak formato digitalean bidali behar dira baztandarrenbiltzarra@hotmail.com helbidera.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun