Erreka Tri taldeko kirolari elizondarra bigarren izan zen sailkapen orokorrean, 40 urte bete zituen egunean
Doneztebeko Erreka Tri taldearen izenean lehiatzen den Alberto Barberena kirolari elizondarrak bigarren postua eskuratu zuen otsailaren 25ean Isaban eta Larra-Belaguako eski zentroan burutu zen Nafarroako Neguko Triatloi txapelketan. Aipatzekoa da probaren egunean 40 urte bete zituela Barberenak eta honela, beterano mailan txapeldun izatea lortu zuen.
Ehun kirolari baino gehiago bildu ziren Isaban proban parte hartzera, 86 gizonezko, 9 emakumezko eta 7 talde erreleboka aritzeko. 8,5 kilometro lasterka, 25 bizikletan eta 10 eskiatzen egin behar izan zituzten eta Barberenak 2 ordu, 8 minutu eta 41 segundo behar izan zituen.
Hiruki taldeko Xabier Orduna eta Bizikume taldeko Enara Oronoz izan ziren Nafarroako txapeldunak. Probaren irabazleak, Kataluniako Joan Freixa eta Alba Xandri izan ziren.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
