Zubipunta ostatuan dute hitzordua, ortziralean 23:00etan
Martxoaren 2an, ortziralean, Patxiku Nice musika taldearen emanaldia izanen da Erratzuko Zubipunta ostatuan, 23:00etan. Patxuko Nice taldea Sergio Ordoñez, “Patxuko”, eta bere inguruan bildutako musikariek osaturiko taldea da. Ernesto Villar gitarra, Dafnis Linares baxua, Eneko Fernandez bateria eta Jon Mari Beasain gitarra elkartu dira Patxuko Nice taldea osatzeko.
Aurrez musika estilo anitz landu dituzte musikariek, Patxukoren ukitu koloretsuz horniturik, rock, ska, indie eta kunbia koktel bat osatu dutelarik. Kaleraturiko diskak 12 abesti ditu ardatz, euskaraz eta gazteleraz. Hitzetan idazle eta poetak izan dituzte lagun, Oier Guillan, Jabier Muguruza, Quin Moya eta Jon Garmendia “Txuria”, kasy. Musikarien kolaborazioa ere izan dute, Txus Aranburu, Pello Gorrotxategi, Igor Ruiz “Fino” , Flavio Finegiro eta Jabier Muguruzarena, erraterako.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.