erran.eus

Baztan Ikastolak ere Zuhaitz Eguna ospatu zuen otsailaren 18an

  Gizartea  Baztan

Otsondo inguruan egindako landaketaren ondotik hamaiketakoa izan zuten

Urteroko ohiturari segiz, Zuhaitz Eguna ospatu zuen Baztan Ikastolak otsailaren 18an. Ikastetxeko Guraso Elkarteak antolatuta, Oinez Basoa 2015eko eremu batean zuhaitzak landatzera joan ziren guraso zein haurrak. Igandean 09:00etan elkartu ziren denak Otsondo mendatean eta gehienak handik oinez abiatu ziren landaketa tokira. Ibilbide laburragoa egin nahi izan zutenek Otsondo Ttikitik abiatzeko aukera ere izan zuten.

Baztan Ikastolak ere Zuhaitz Eguna ospatu zuen otsailaren 18an
Baztan Ikastolako ikasleek aitzurra hartu eta zuhaitzak landatu zituzten igandean Otsondo inguruan. | Ikusi handiago | Argazki originala

 

Gogotik aritu ziren haur eta gurasoak aitzurrarekin zuloak egin eta gero, landareak sartzen Baztango herri-lurretan dagoen eremuan. Landaketa lanak akitzear zirelarik, euri tantek Otsondora bueltatzeko ordua zutela abisatu eta bidean goiti abiatu ziren.

Otsondon Guraso Elkarteko kideak zituzten zain, aterpe batean euritik babestuz, ekintzan parte hartutako guztiei hamaiketako goxoa emateko prest.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa