Harremana jubilatu eta pentsionisten elkarteak doako bi ikastaro antolatu ditu Baztanen

Harremana jubilatu eta pentsionisten elkarteak doako bi ikastaro antolatu ditu Baztanen
Zahartzaro aktiboaz eginen dituzte ikastaroak martxoan.

Arizkunen eta Elizondon eginen dituzte martxoan 

Lehenbizikoa Arizkunen eginen dute eta bigarrena Elizondon, eta bi kasuetan, ‘bizi zahartzaro aktiboa’ izenburupean. Arizkunen, martxoaren 5ean hasiko dira, eta ondoko hiru astelehenetan segituko dute: martxoaren 12an, 19an eta 26an. Medikuaren Etxean eginen dute, 16:30etik 18:30era.

Parte hartu nahi dutenek Arizkun eta Erratzuko kontsultategietan apuntatu beharko dute, edo  bertzela, 659 849570 telefonora deituta.

Elizondon, berriz, martxoaren 15ean hasiko dira, eta martxoaren 22an, 29an eta apirilaren 6an segituko dute. Arizkuneneko lehendabiziko solairuan bilduko dira,  jubiloteka dagoen tokian, baina antolatzaileek igogailua badela oroitarazi dute. 16:30ean hasi eta 18:30ean akituko dute.

Elizondoko ikastaroan parte hartzeko Elizondoko Osasun Zentroan eman beharko da izena, eta bertzela jubilotokian (astelehen eta ortzegunetan 10:00etatik 12:30era). 659 849570 telefonora deituta ere apunta daiteke.   

Bi kasuetan, hala nahi izanez gero, parte hartu nahi dutenen bila etxera joanen dira bila.

Ikastaroak La Caixaren babesarekin antolatu dituzte, eta Baztango Udalaren eta Arkupeak elkartearen laguntzarekin.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.

Izan zaitez harpidedun