Igande arratsaldeko 7etatik aitzinera Iruritako Damaso Zabalza Gizarte Bilgunean
Sara Cozar eta Joseba Apaolaza aktoreen eskutik, Begoña Bilbao Lejarzegik zuzendutako Ergela helduentzako antzezlana ikusgai izanen da otsailaren 4an, igandean, 19:00etan Iruritako Damaso Zabalza Gizarte Bilgunean. Udaleko Kultura Batzordeak, Nafarroako Gobernuaren 2018ko Arte eta Kultura egitarauaren baitan antolatutako emanaldirako sarrera doan izanen da.
Sinopsia
Froga psikologiko batzutara aurkeztu da protagonista, diru pixka bat irabazteko asmoz. Bere arazo ekonomikoak konpontzeko diru erraza irabaztekotan joan da, baina tranpa eta iruzurra aurkituko ditu ordainetan. Psikologa batek galdera sorta tranpatia egingo dio, gure gizon ergela urduritasunak jota utzi arte. Halabeharrez, bere onenak eman beharko ditu zoritxarreko amaierarik gerta ez dadin.