Etxegaraten bidesaria paratzea erabaki dutenez, joan-etorria %25 handitzen ahal dela aurreikusi dute
Abenduaren 28an egin zen ohiko osoko bilkuran nazioartean harat-honat zama garraioan ibiltzen diren kamioiek N-121-A errepidean sortzen duten arriskua ttipitzeko Nafarroako Gobernuari aukerak aztertzeko eskaera egitea erabaki zuen Baztango Udalak. Gipuzkoako Foru Aldundiak Etxegaraten arkupeko bidesaria paratzea erabaki ondotik N-121-A errepidean kamioien joan-etorria %25 handitzen ahal dela aurrikusi da eta, horrek, gaurgero arrisku handia duen errepidean arrisku gehiago ekarriko du.
Horregatik, EH Bilduren Baztango udal taldeak «eskualdea helburu ez duen nazioarteko zama garraioa mugatzeko azterketa egitea eta dagozkion neurriak hartzeko» Nafarroako Gobernuari zuzenduriko mozioa aurkeztu zuen udalean. Mozioak EH Bilduren, Baztango Ezkerraren eta Geroa Bairen aldeko bederatzi bozka izan zituen. UPNk eta Baztan Auzolaneanek abstentziorat jo zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.